Kill Bill

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Kill Bill is e verhaol vaan Quentin Tarantino wat besteit oet twie films oet 2003 en 2004. Tarantino heet de films zoewel geregisseerd es gesjreve. De hoofrolle weure gespäöld door de aktäörs Uma Thurman, Lucy Liu en Vivica A. Fox.

't Verhaol

Kill Bill: Vol. 1

De heurmäördeneer 'The Bride' weurt op häör eige broelof neergesjote door häören opdrachgever Bill en zien handlengers. Evels, ze euverleef de aonslag, mer door 'n kogel in häöre kop ligk ze veer jaor in coma. Es ze bijkump, is ze döl gewore en vasbeslote um wraak te numme. Ze geit op zeuk nao de bendelede um ze ein veur ein te vermaore. Bill wèlt ze es lèste vermaore...

Kil Bill: Vol. 2

Nao de ierste twie naome op häör maordlies te höbbe doorgestriep vervolg The Bride häör missie um wraak te numme op häör vreuger handlengers: nao O-Ren Ishii en Vernita Green is 't noe de beurt aon Elle Driver, Budd en oeteindelek häöre baas Bill. D'r is evels 'n oonverwachte trouf in 't speul.

Trivia

• Tarantino wèlde eigelek 'ne film make veur zie scrip vaan Inglourious Basterds, mer toen voond heer e book in 'ne winkel in Arizona.
• De films doen e bitteke de goodkoupe Aziatische films oet de jaore 70 nao.