Kesjtièl Beusdael

Dit artikel is gesjreve in 't Heëlesj. Ómdat 't plaatsgebónge is, maogs doe 't ómzètte nao 't Sippenaker, es te dit dialek sjpriks.

Kesjtieël Beusdael is e kesjtieël dat ligk i 't wieler Beusdael, kót bei 't dörpke Sippenake. 't Kesjtieël ligk i 't noardoeëste va de Belsje provincie Luuk i de gemingde Blieëberig, oeë-mieë zieër kót aa Limburg en de Pruusje bóndssjtoat Noardrien-Wesfale ligk. 't Kesjtieël ligk i e lieëger deel va 't heuvellanksjap, oeë d'r Terzitterbieëk óntsjprink en get zuudwestelig grénsj 't aa d'r noa de kesjtieël verneumde Beusdaelbusj.

Kesjtieël Beusdael.

't aa d'r Rue de Beusdael geleëge kesjtieël Beusdael is 'ne typisj waterbörch mit ing donjon. Doa aa vas zit in L-vuurmige vleugel va 't kesjtieëlkompleks mit binnein 'ne koer mit middein e klieën teurmke, aa noardelige ziej 'n kapelke en aa zuudwestelig ziej 'n klieëner toerm. T'n oeëste va de koer is de poeëtgeboew mit inne brögk uëver de sjlotgraach. D'r donjon is 't mieës i de oag sjprinkende boewwirk en is gans ópgetrókke oet kalksjteë. 't Hauw mieërder verdepinge mit óp g'n ieësjte verdeping inne gewèlfde kamer en boavein i d'r toerm aa de veer ziej klieëner oetkieëkteurmkes. De sjpits hauw inne klok.

De uevërleëverinke noa, zów 't kesjtieël al i de tied va Karel d'r Groeëte zin geboewd. Aanimmeliger is dat 't kesjtieël pas i de dertieënde ieëw woeëd geboewd. 't Gesjlaach va de kesjtieëlherefamilie Beusdael óntsjtóng i de dertieënde ieëw. I 1334 woeëd milding gemaak va Herman de Abousdayl, deë vermeudelig zuën is va Johan Schevart van Oys. I 1367 woeëd óch 'ne Herman van Beusdael geneump, dere dóchter, Elisabeth de Beasdael trówde mit inne Jean van Eys, deë sjpieër 't lankgood irfde. Durch uëverirfing koam i 1875 't kesjtieël aa Groaf Florent Ferdinand J.L. d'Oultremont. I 1882 lit heë wirkzaamhede aa zinne kesjtieël doa, oeë-ónger de boew va 't teurmke óp g'ne koer, 't kapelke en de brögk uëver de graach.

Link bewirk

 
Commons
In de categorie Kesjtièl Beusdael van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kesjtièl_Beusdael&oldid=387918"