Kesjteël Jerusalem
- Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Mestreechs, es te dit dialek sjpriks.
Kesjteël Jerusalem is gelaege ten noorde van 't veurmalige dörp Lummel, noe 'n wiek van Mesjtreech. 't Kesjteël is óngerdeil van de Landgoederenzone Maastricht - Meerssen.
Besjrieving
bewirk't Hoes is in 'n U-vorm geboewd, mèr bie verboewinge in de 19e eëuw kreeg 't 'ne rechhokige vörm doordat de ruumte tösje de tweë vleugele opgevöld wirt mèt 'ne lieëgere boew. Hiebie is d'n awwe vörm zichbaar gebleve. Teves verplaatsjde me de toegank nao de achtergevel en kreeg dae nuuj vinsters en 'n segmentvörmig fronton. Van de oarsjprónkelike boew is eigelik allein nog mèr 't sjlanke achhokige täöreke euver dat nog sjteeds fier baove 't geboew oetsjtuk. 't Moerwerk is oetgeveurd mèt mergelsjteine bènj. In de tuin sjteit 'n neogotisch koetsjhoes, geboewd in 1904.
Gesjiedenis
bewirkKesjteël Jerusalem is geboewd in 1515 door Pieter van den Driesch Proenen. Ziene zoon Andries waas 'ne kanunnik en rijproost van 't Onze-Lieve-Vrouwekapittel in Mesjtreech. Dezen Andries maakde 'n reis nao 't Heilige Landj en tiedes zien aafwezigheid boewde ziene vader 't kesjteëltje op de plek wo 'n awwer hoes ‘de Drieschhaof’ hèj gesjtaon. Dit hoes waas in 't zelfde jaor 1515 door brandj verinneweerd. Bie zien trökkóms koosj hae 't kesjteël betrekke en ómdat hae zoa ónger de indrök waas geraak van 't Heilig Landj neumde hae 't kesjteël Jerusalem. 't Later in de naobieheid geboewde kesjteël es opvolger van 't Kesjteël van Lummel, kreeg in naovolging hievan de naam Kesjteël Bethlehem.