Dit artikel is in versjillende Limburgse dialekte gesjreve. Ómdat 't plaotsgebónje is maogs doe 't ómzètte nao 't Hessels, as te dit dialek sjpriks.

Slevrouw-Hiemelvaartskèrk in Kermt.

Kermt is e dèrrep in en deelgemeente van de Bels-Limbergse gemeente Hasselt. De deilgemeinte is 7,04 km² groet en had op 31 december 2007 4.122 inwoeners.

't Dörp woort veur 't iers geneump in 1213, es Kermete. Kermt waor 'n hierlekheid in 't graofsjap Loen, die tot 1390 aon 't geslach De Hardaemont behoort. Dat jaor góng 't euver nao de femilie De Berlemont, die 't in 1603 weer euverdeeg aon 't geslach Van Stokkem. De parochiekèrk waor 'n kwartkèrk die aofhóng vaan de Quintinusparochie in Hasselt. Spalbeek veel tot 1629 in kèrkelek opziech oonder Kermt, meh woort dat jaor 'n apaarte parochie.

Op 8 augustus 1831 voont hei de slaag bij Kermt plaots, in samehaank mèt de slaag um Hasselt wat weer e groeter deil waor vaan d'n Tiendaogse Veldtrèk. De Belzje opstandelinge wiste de regeringslegers kort te stuite.

In 1971 woort Spalbeek es deilgemeinte aon Kermt touwgeveug. In 1977 woort Kermt zelf weer opgeluf, um deil te goon oetmake vaan Hasselt.

 
Gemeinte Hasselt
Vaan van Hasselt
Deilgemeintes, dörper en gehuchte: Hasselt · Kermt · Kuringe · Sint-Lambrechts-Herk · Moos-Herk · Spalbeek · Stevoort · Stokrooie · Wimmertinge
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kermt&oldid=439094"