Kefee

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

't Interieur van 'ne broene kefee.

'ne Kefee, kaffee, 'n kroeg, 'ne bar of 'n kniep is 'n zaak wo me alcoholische dranke duit servere en me biejein veur mit einanger te kalle. 'ne Kefee vervöltj in e dörp, mer ouch in 'n stad, hieróm döks 'n wichtige sociaal functie. Same mit de restaurants enne hotels make de kefees deil oet vanne horeca.

In 'ne kefee waere meistes neet allein alcoholische dranke geserveerdj. Inne meiste kefees krieg me namelik ouch anger drinkes, wie tieë, kóffe, fris en water. Sómmige kefees servere nag väöl mieë, wie ouch vröchtedrenkskes en (werme) chocomel.

In Nederlandj moog saer 1 juli 2008 inne kefees officieel neet mieë waere gerouk, boete de roukruumdjes. Väöl kefees haje zich hie aevel neet aan.

Doordet de pries van drinkes inne kefees de litste jaore rap ómhoeag is gegange, geit väöl jeug veurdet ze oetgaon ieës bie emes van häör heim indrinke inne zoea-geneumdje kieët.