Äöpen houfmenu

Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.


De ligking van 't Kattegaat.

't Kattegaat (Deens: Kattegat; Zweeds: Kattegatt) is de zièstraot tösse Hallandj in Zwede en Jutlandj in Denemarke, die deil oetmaak van de verbinjing tösse de Naordziè en de Sont, in de richting van de Oasziè. Dees verlöp via 't Skagerrak, 't Kattegaat en de Sont, Groate Belt en Kleine Belt. De naam Kattegaat is aafkumstig van Nederlandjse zièmen en mèntj nejjen doorgank. Dezelvendje naam weurt ouch gebroek in 't Duutsj, 't Deens en 't Ingels. De Vikinge neumdje de ziè vreuger Jótlandshaf "Jutlandjse Ziè". 't Kattegaat haet väöl reef en óndeepdjes.

In 't Kattegaat mundj de reveer de Göta älv oet, aafkumstig vanoet 't groatse maer van Zwede, de Vänern.

De groatste eilenj die in 't Kattegaat ligke zeen Samsø, Læsø en Anholt. De litste twiè daovan staont bekandj es de Deense weusdjereem, door häör druèg zomerklimaat.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kattegaat&oldid=420315"