Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Ollongren in 2019

Joonkvrouw Kajsa Ollongren (Leie, 28 mei 1967) is 'n Nederlands-Zweeds politica vaan de Nederlandse partij D66. Ze is minister van Defensie in 't Kabbinèt-Rutte IV. Ze waor vicepremier en minister vaan Binnelandse Zake (BiZa) en Keuninkrieksrelaties in 't Kabbinèt-Rutte III.

Ollongren is lid vaan 'n Nederlands-Zweedse adeleke femilie die vaan origien Zweeds-Fins is en Ållingren weurt geneump. 't Geslach Ollongren is evels pas sinds 2002 opgenome in de Nederlandse adel. Sinds deen tied kin Kajsa Ollongren ziechzelf Joonkvrouw neume. Häöre pa is de stareköndege en informaticus Alexander Ollongren.

Vaan 1992 bis 2007 wèrkde Kajsa Ollongren bij 't Ministerie vaan Economische Zake, iers in de aofdeiling vaan Centraol-Europa en Oos-Europa, daonao in de hoofaofdeiling vaan 't ministerie. Umtot häör polletieke partij D66 in 2006 meh drei zetels behaolde kós zie es vijfde kandidaot geine zetel hole in de Twiede Kamer/ In 2007 woort Ollongren de Plaotsvervangende Secretaris-Generaol vaan 't Ministerie vaan Algemein Zake. In augustus 2011 woort zie de werkeleke Secretaoris-Generaol vaan dat ministerie. Zie waor deil vaan 't formatieteam in de formatie vaan 't Kabbinèt-Rutte I in 2010. Häör partij, D66, kaom evels neet in die coalitie. In 'tzelfde jaor reep de gezèt Volkskrant Ollongren oet tot invloodriekste vrouw vaan Nederland. Vaan 2014 bis 2017 waor zie Wèthawwer en Ierste Locobörgemeister vaan Amsterdam in 'n coalitie mèt VVD en SP. Op 18 september 2017 naom zie tijdelek 't börgemeistersjap euver vaan d'n kraanke Everhard van der Laan.

In december 2017 dreigde de PVV Ollongren veur de rechter te sleipe umtot zie in häören tied es Wèthawwer in Amsterdam had gedreig de Amsterdamse oonaofhenkelekheid te verklaore vaan Nederland es de PVV in de regering zaw komme. De PVV verdutsde Ollongren in de Twiede Kamer tot me daarteg jaor celstraof kin oplègke op iemes dee 'n deil vaan 't Nederlands Keuninkriek perbeert aof te sjeie.

Ollongren steit algemein bekènd um häör hendeg kritische hajding tege extreem-rechse partije in 't land, mèt naome de twie die zetele höbbe in de Twiede Kamer: PVV en FvD. Zie heet versjèllende kiere gezag tot de Nederlandse identiteit e bezej is wat inkel kin weure verstande in 't kader vaan de Groondwèt:

"[De grondwet] vormt de basis van onze gedeelde Nederlandse identiteit. Het is herkenbaar voor zowel minderheden als meerderheden en werkt niet als uitsluitingsmechanisme".

Nao dezen oetspraok in 2018 veel ze PVV en FvD aon veur 't aonvalle vaan de Nederlandse groondwètteleke weerde.

Ollongren naom 't Vicepremiersjap same mèt Carola Schouten en Hugo de Jonge euver vaan de PvdA'er Lodewijk Asscher. 't Ministersjap vaan Binnelandse Zake en Keuninkrieksrelaties naom zie euver vaan PvdA'er Ronald Plasterk.

Brónne bewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kajsa_Ollongren&oldid=460413"