Kabbinèt-Schermerhorn-Drees

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

't Kabbinèt-Schermerhorn-Drees waor 't Nederlands kabbinèt vaan 1945 - 1946. 't Kabbinèt woort gevörmp door de politieke partije RKSP, SDAP, en VDP en, nao partijfusies, KVP en PvdA oonder premier Wim Schermerhorn. De formatie vaan 't kabbinèt däörde 47 daog. Same bestoond 't kabbinèt oet 60 zetele in d'n Twiede Kamer, 't parlemint vaan 't Keuninkriek vaan de Nederlen.

't Waor e nood-kabbinèt, wat gebäörde op 't momint tot Nederland waor bevrijd vaan Nazi-Duitsland door de geällieerde. 't Bleef bestoon tot de ierste verkiezinge woorte gehouwe sinds de Twiede Wereldoorlog. 't Kabbinèt woort geconfronteerd mèt e door oorlog geruïneerd Nederlands Keuninkriek en 'n republiek die woort oetgerope in de kolonie Indonesië.

't Kabbinèt woort beëdeg op 25 juni 1945 en woort demissionair op 16 mei 1946. Op 3 juli 1946 woort 't kabbinèt oontboonde.

't Kabbinèt volgde 't Kabbinèt-Gebrandy III, wat 't oondergedoke kabbinèt in Londe waor oonder de Nazi-bezètting vaan Nederland in d'n tied vaan d'n Twiede Wereldoorlog. op en woort oetindelek opgevolg door 't Kabbinèt-Beel I.