Kālidāsa
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Kālidāsa (Devanagari: कालिदास, litterlik ómgezatj: "dener van Kálii") waas 'nen dichter en sjriever in 't klassiek Sanskriet. Hae is veural bekèndj es de sjriever van Meghadūta, Abhijñānashākuntala en Kumārasambhava. De periood worin d'r laefdje is neet mit zekerheid vas te stèlle, meh vèltj wersjienlike inne Gupta-periood, örges inne veerdje, viefdjen of zèsdjen ieëf.
Kālidāsa zien positie inne Sanskrietlitteratuur is te vergelieke mit die van William Shakespeare in de Ingelse. Zie gedichter en theaterstökker wore veural gebaseerdj oppe hindoeïstische mythologie en filosofie.
Wirk
bewirkTheaterstökker
bewirkKālidāsa sjreef drie theaterstökker, wovan Abhijñānaśākuntalam ("De herkènning van Shakuntala") wuuertj gezeen es zie grótste meisterwirk; wie Goethe 't loos sjreef t'r zie lofdich Sakontala. 't Waas ei vanne ieëste wirken in 't Sanskriet det ómgezatj woort nao 't Ingels. Daonao is 't ouch nao väöl anger spraoke ómgezatj.
Alle theaterstökke zeen:
- Mālavikāgnimitra ("Mālavikā en Agnimitra")
- Abhijñānaśākuntalam ("De herkènning van Shakuntala")
- Vikramōrvaśīya ("Euver Vikrama en Urvashi")
Gedichter
bewirkKālidāsa is de sjriever van twieë Indische epe: Raghuvamsa ("Dynastie van Raghu") en Kumārasambhava ("Gebaordje van Kumāra"). Ónger zien euverige gedichter bevinje zich ónger anger Meghadūta ("Woukbaoj") en Ṛtusamhāra ("De verhanjeling euvere sezoene").