Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


De ligking van Kökar in Finlandj.

Kökar is 'n arsjipel en gemèndje in Ålandj, Finlandj. De gemèndje haw 235 inweuners op 31 mieërt 2016 en 'n landjoppervlakdje van 63,58 km², van 'n totaal (inclusief water) 2.165,02 km². De bevoukingsdiekdje is 3,70 luuj de km². De plaatse die inne gemèndje ligke zeen: Finnö, Hamnö, Hellsö, Karlby (Kaarlenkylä, de houfplaats), Kyrkogårdsö, Österbygge en Överboda.

'ne Biezunjere róts, gevörmp door smultjwater.

Veur driedoezjendj jaor trögk woort de arsjipel al bewóndj door zieëhónjsjaegers. Inne middelieëve woorte de eilenj al drök-bevölk, mit naam dore vèsserie, mer ouch langs drökke zieëhanjelwaeg. Inne vieftieëndjen ieëf woort e Franciscaner kloeaster gestif op Hamnö, wo allewiel allein nag 'n rwien van resteertj; oppe plaats vanne aaj kloeasterkirk boedje m'n in 1784 'n nuuj kirk.

Te zuudwèste van Kökar ligk 't zieëhónjsbesjurmingsrizzervaat Karlbybådarna.

De gemèndje is einspraokig Zweeds. De gemèndjecode is 318.

Demografie bewirk

In 2016 woor de laeftiedsverdeiling van de bevouking es völg:

  • 0 toet 14: 8,9%
  • 15 toet 64: 56,9%
  • 65 en ajer: 34,1%

De spraokverdeiling woor in 2016 det 87,4% vanne bevouking 't Zweeds es ieëste spraok haw; 9,3% haw 't Fins es ieëste spraok en 3,3% haw 'n anger ieëste spraok.

Hie-ónger völg de demografische óntwikkeling vanaaf 1980.

1980 1985 1990 1995 2000 2005 2010 2015
304 288 296 314 296 303 259 250
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kökar&oldid=455386"