Kèrkwiejing

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

---

De kèrkwiejing ies 'n plechtige handeling door de biesjop bie 't in gebroek numme van 'n kèrkgeboew. Dat gebeurt tiedens 'n ièredeens of Heilige Mès same mèt de parochiane. Ouch es 'n bepaald geboew in de aafgeloupe tied 'n profaan functie haet gehad vingk de wiejing plaats. De Biesjop zalft dan ónder miè de moere en zegent de ruumde mèt wiewater. Eder jaor weurt dees kèrkwiejing herdach es In anniversario dedicationis (latien). Nao de kèrkelike viering vingk dan, in de plaats van de parochie, de kèrmes (kèrkmès) plaats. De kèrk krieg eine eige besjermheilige: de petroanheilige geneump. De kèrk dreug vervolgens de naam van deze heilige. Ziene sjterfdaag weurt eder jaor in 'n viering herdach en dan volg d'r dèks processie en kèrmes.