Justin Timberlake
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
| Justin Timberlake | |
 Justin Timberlake tijdes de premiére vaan Shrek the Third (2007) | |
| Volledige naam | Justin Randall Timberlake |
| Gebore | 31 januari 1981 |
| Jaore aktief | 1995-2002 (met *NSYNC) 2002-noe |
 IMDb-profiel | |
Justin Randall Timberlake (Memphis, 31 jannewarie 1981) is 'ne Amerikaanse popzenger en aktäör. Timberlake woort bekind es lid vaan de meziekband *NSYNC. In 2002 brach heer zien ierste soloalbum Justified oet, gevolg in 2006 door FutureSex/LoveSounds. Es aktäör steit heer aon 't begin vaan zien carrière, mèt versjèllende klein rolle in films.
Euver zien leve bewirk
Timberlake is gebore en opgegreujd in Millington, e dörp neve Memphis, Tennessee. Heer heet Ierse en Duitse wortels. Ziene pap en zien mam, Randall Timberlake en Lynn Bomar, zien momenteel gesjeie en hertrouwd. In 1993 maakt Timberlake zienen ierste stap in de showbusiness door ziech aon te slete bij The Mickey Mouse Club. Dao lierde heer oonder aandere Britney Spears, Christina Aguilera en Joshua Scott Chasez, later bekènd es JC Chasez, kinne. Timberlake en Chasez beslote 'ne boyband op te riechte. Dao bij waor ouch Timberlake's vrund Chris Kirkpatrick bij betrokke. Lance Bass en Joey Fatone maakde de groep *NSYNC compleet.
In 2002 begós Timberlake mèt 't wèrke aon 't nui album Justified, wat op 5 november 2002 oetkaom. Inkel maonde ieder maakde Timberlake zien opwachting op de MTV Video Music Awards mèt zien ierste single Like I Love You. 't Leedje woort 'ne groete hit. Um 't album te promote geit Timberlake same mèt Christina Aguilera op tour. Op dee Justified/Stripped Tour versjijne ouch de Black Eyed Peas. In 2003 koume ouch de singles Cry Me a River, Rock Your Body en Señorita oet. In 2004 gebruukde fastfoodketen McDonald's de single I'm Lovin' It, dat 't ierste album neet haolde, in wereldwij reclamecampagnes. Timberlake verkoch 't leedsje aon McDonalds en nao 't succes vaan de reclamecampagnes brach heer de single ouch oet, inclusief videoclip.
't Album FutureSex/LoveSounds kaom op 12 september 2006 oet. Al inkel maonde ieder kaom de ierste single SexyBack oet, gekinmerk door 'n prominente electrosound. De twiede single My Love, mèt rapper T.I. woort ouch e groet succes, zjus wie de daarde single What Goes Around.... In april 2007 woort in de Vereinege Staote de veerde single vaan 't album gelanceerd, Summer Love.
Timberlake heet lange tied 'n relatie gehad mèt popzengeres Britney Spears. Ze kóste ziech al sinds The Mickey Mouse Club. In 2002 kaom 'n ind aon de relatie. Nao 'n korte relatie mèt Alyssa Milano had Timberlake 'n relatie mèt Cameron Diaz. 't Gaof geruchte euver 'n verloving tösse de twie mer nao 'n relatie vaan drei en 'n haaf jaor is 't, sinds jannewarie 2007, toch oet mèt Cameron Diaz. Sinds aprèl 2007 heet Justin 'n relatie mèt de 26-jaorige actrice Jessica Biel.
Externe link bewirk
- ((en)) Officieel website