Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.


Judasoeër

't Judasoeër (Auricularia auricula-judae, synoniem: Hirneola auricula-judae) is 'ne sjummel oet de familie Auriculariaceae. 't Is 'ne trilzjwam, dae bie druëg waer inkreempt en regenereert in vöchtiger ömsjtandighede. Judasoeër is geboonde an krietgroond en keumt in 't Mergelland, d'r Voorsjtrieëk, 't Laand va Herf vör. In dès sjtrieëke wert 't judasoeër neet geaeëte mae in de Chinese (木耳 (pinyin: mù ěr, lètterlek "hoot oeër" of "boom oeër") of 黑木耳 (pinyin: hēi mù ěr, lètterlek "zjwart hoot oeër")) en Japanse (kikurage (キクラゲ, lètterlek "boom-kwal") käöëke waal.[1]

Verklaoring van d'r naamBewirk

D'r naam zów kaome oet de överlieëvering dat Judas Iskariot zich an 'ne häöëlenter haat ópgehange naodat e Jezus 'verraoje' hòw. D'r häöëlenter is d'r favoriete gasthieër van 't judasoeër.

Ooch liekt 't zjwammetje óp e oeër. In 't verhaol över de arrestatie van Jezus wert vertèld dat Petrus 'ne Romeinse soldaot 't oeër aafgehakt how öm de arrestatie te väörkaome. Judas waor d'rgene dae Jezus 'verraojde' mèt e baeske.

OeterlekBewirk

Oonder gunstige (vöchtige) ömsjtandighede is 't 2-6 cm groeët judasoeër 'ne satienige doonkerroze zjwam, dae zach aanveult.

ReferentieBewirk

Externe leenkBewirk

Op de pazjena Auricularia auricula-judae van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Judasoeër&oldid=341260"