Joris-Karl Huysmans
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Joris-Karl Huysmans (Spreek zienen achternaom oppe Frans oet: Wiesman) (5 fibberwarie 1848, Paries bis 12 mei 1907, ouchdao), officieel Charles-Marie-Georges Huysmans, waor 'ne Franse sjriever dee veural bekind is vaanwege zie book À rebours (zaw vertaold kinne weure es Contra 't percess, oppe Ingels oetgebrach es Against Nature (Contra natuur) of Against the Grain (Contra de kore), oppe Duuts Gegen den Strich (Contra de drök) en oppe Neerlands Tegen de Keer (Contra de kier).), oetgegeve in 1884. Ziene pa waor 'nen Hollender, vaandao de Neerlanstaolegen achternaom. Heer sjeen ouch Hollands te mojle, mer gebruukde dit noets in zien literair oeuvre. Heer heelt ziechzelf financieel dreiende veur daarteg jaor in 't Fraans leger. Huysmans' meneer vaan sjrieve waor idiosyncratisch veur zienen tied, veural in de meisten orthodoxe Fransen taol, mèt zien groete vocabulair, descripties, satirische humor en eruditie. Ierst woort 't es deil vaan 't Naturalisme geconsidéreerd, heer woort later evels geassociëteerd mèt de decadentie. Zie wèrk uut 'n deep pessismisme, dat 'm brach nao de filosofie vaan Arthur Schopenhauer. In later jaore reflecteerde zien novelle zien studie vaan Kathelisisme, relizjieuze conversie en 't weure vaan 'nen oblaot. Heer diskereerde de iconografie vaan christelek arsjitektuur in La cathédrale. Là-bas (1891), En route (1895) en La cathédrale (1898) vörme 'n triologie die ziech bekommere euver Durtal, 'n autobiografisch karakter die 'n spirituele pergressie doorgeit en ziech bekierd bis Kathelicisme. Ouch Huysmans bekierde zich bis dees relizjie (origineel vaan pertestante komaof en hiemelde in e kloester es bruderke.