Jonathan Miller

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Jonathan Wolfe Miller (21 juli 1934 - 27 november 2019) waas 'ne Britse buunrezjissäör, aktäör, sjriever en prizzentater. Hae waas gebaoren in St John's Wood, in Lónje. Hae woort bekandj inne vreug jaore sèstig inne komedische revue Beyond the Fringe mit Peter Cook, Dudley Moore en Alan Bennett.

Miller lag zich toe op 't rezjissere van opera's inne jaore seventig. Zie bekandjste werk is zien versie van Rigoletto, 'nen opera in maffia-stiel gezatj inne jaore fieftig. Wiejer haet t'r väöl perduksjes gedaon veure BBC, worónger 'n serie William Shakespeare-tonieëlstökker van 1978 toet 1985.

Miller trouwdje in 1956 mit Rachel Collet; zie krege drie kinjer. Hae stórf op 27 november 2019 ane gevolge van Alzheimer.