Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Johnny Blenco, pseudoniem vaan Jef Vriezelaar (1938, Mestreech - 27 jannewarie 2020, Mestreech) waor 'ne Mestreechse zenger, producer en platebaas. Heer gebruukde ouch versjèllende aander naome veur zien plate oet te geve, boe-oonder Jan Petat, Boerke Naas, Guus Geluk, Johnny Hot, Jef Blaaskop en Willem Wip.

Heer waor de vaajer vaan Marjo Blenco. Heet zong dèks duètte mèt häör, soms ouch in 't Nederlands oonder de naom Het Noordzeeduo.

Alles bijein heet Johnny Blenco mie es 2500 leedsjes gesjreve, oonder aandere ouch veur Sjeng de Belsj. In Mestreech woort heer veural bekind mèt zien keersplaat Keersmès roond de Vriethof. Ei vaan z'n lèste nommers waor 'ne carnavalsrap mèt Pikkatrillaz in 2007.

Johnny Blenco storf op 27 jannewarie 2020 op 81-jaorege leeftied nao al langen tied gezoondheidsprobleme te höbbe gehad.

BrónneBewirk

Externe linkBewirk

Veur mie informasie kiek op de website.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Johnny_Blenco&oldid=441510"