Javazieë

(Doorverweze van Javazie)

Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.


De zieëje van Indonesië

De Javazieë is 'n groeëte (ca. 310.000 km²) en óndepe zieë (max. 82 maeter), die as randzieë geraekend wuurt tot de Indische Oceaan. Zeej óntstónd aan 't ind van d'n iestied, wie twieë groeëte reviersysteme woorte euverspeuld. Zeej leet tösse de Indonesische eilande Borneo (in 't naorde), Java (in 't zuje), Sumatra (in 't weste), en Celebes (in 't oeëste). In 't naordweste steit de zieë via de Straot Karimata in verbinding mit de Zuud-Sjinese Zieë, in 't zuudweste via Straot Soenda mit de Indische Oceaan. In 't naordoeëste leet de Straot Makassar. Aan de oeëszie bevingk zich de Floreszieë en aan de zuudzie de Balizieë.

De strouming in de Javazieë wuurt bepaold door de moesson: de oeësmoesson veurt water oet de Floreszieë nao de Javazieë en de wesmoesson veurt water oet de Zuud-Sjinese Zieë via de Straot Karimata de zieë in. Visserie is 'n wichtige economische activiteit in de Javazieë. 't Gebeed róndum de zieë is populair beej toeriste.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Javazieë&oldid=430158"