Ingrida Šimonytė
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Ingrida Šimonytė (15 november 1974, Vilnius), dèks in Westerse media es Ingrida Simonyte, is 'n Litouwse polletieka en ikkenemis die de twiede vrouweleke premier vaan Litouwe waor vaan 2020 bis 2024 oonder 't prizzedentsjap vaan Gitanas Nausėda. Šimonytė waor 'ne parlemintariër naomes Antakalnis sinds 2016 - ein vaan de aajdste wieker vaan de Litouwse hoofstad Vilnius. Vaan 2009 bis 2012 waor zie minister vaan financies. Zie waor 'ne prizzedentskandidaot in 2019. Šimonytė is officieel 'nen oonaofhaankeleke polletiekus, mer ze weurt dèks gezien es ein die geäffilieerd is aon de Vaajerlandsunie - Litouwse Christendemocrate (TS-LKD) (deil vaan de EVP).
Premiersjap in Litouwe
bewirkIn contras tot de premiers vaan Belsj en Nederland, maag de Litouwse premier oetsletend spreke naomes 't parlemint - en mèt naome de käözes gemaak door de mierderheid vaan 't parlemint. Staotsköndeg gezeen is de prizzedent vaan Litouwe, in tegedeil vaan beveurbeeld de Duitse prizzedent en de Belsje en Nederlandse keuninge, gaaroet neet allein meh 'ne reprizzentatieve polletieker. Väöl mie is de prizzedent de Boeteminister (minister vaan Boetelandse Affaires) vaan 't land. 't Is daan ouch de prizzedent vaan Litouwe dee 't land reprizzentiert in d'n Europese Raod vaan de Europese Unie. Meh e bepaold aontal lidstaote vaan de Europese Unie sjikke hu staotshoof, in plaots vaan hu regeringshoof, nao Breusel. Litouwe zit daomèt bij de oetzoonderleke len vaan de Raod, zjus wie Fraankriek.