Indorock
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Indorock is de naom veur 'n meziekscene vaan Indische muzikante in Nederland die rock 'n roll späölde. Indiërs (indo's en Molukkers) waore ind jaore 1950 de ierste die ziech op groete sjaol mèt dees nui mezieksoort bezeghele. Ein rei daoveur waor, tot lui vaan Indische aofkoms al op groete sjaol actief waore in de hawaimeziek, dee in 't decennium daoveur 'n groete raasj waor. Ouch hadde ze dèks in Nederlands-Indië al Amerikaanse meziek gespäöld. Zoe roond 1958 kaome die bands veur 't vootliech, mèt es bekindste veurbeelder de Tielman Brothers en de Black Dynamites. Väöl vaan dees bands zouwe nao Duitsland goon um dao in nachclubs veural veur Amerikaanse militaire te speule. In Nederland zelf hadde de Blue Diamonds 't groetste succes, 'ne band mèt 'ne get softere klaank, dee in 1960 'ne groeten hit haolde mèt Ramona.
Bronvermelding
bewirk- Lutgard Mutsaers, "Van hawaiian naar indorock" in L.P. Grijp c.s. (redd.), Een muziekgeschiedenis der Nederlanden, Amsterdam University Press-Salomé, Amsterdam, 2001: pp. 675-82.
Dit artikel is e sjtumpke. De kans Wikipedia helpe door 't aan te völle