Iezel

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

Iezel verwies nao raenger dae vèltj wen de temperatuur ane oppervlakdje ónger 't vreerpuntj ligk. In taengestèlling toet e mingsel van raengen en snieë, iesraenger of haachel, besteitj iezel gans oet vleujbaar drupelkes. De raengedrupelkes waere hieël kaad wen die door 'n laog gaon die ónger 't vreerpuntj ligk qua temperatuur en väöle hóngerdje maeters baove de aerdoppervlakdje is en bevrere wen die op 'n oppervlakdje terechkómme. 't Ies det den óntsteitj kan 'n diekdje van inkel centimaeters kriege.

'ne Storm dae 'n behuuerlike diekdje aan ies veroearzaak door iezel wuuertj döks 'nen iesstorm geneump. Iezel steitj bekèndj vanwaenge de perblieëme die d'r veroearzaak oppe waeg, aevenes 't aafbraeke van tek en 't neerhaole van stroumdräöj. Iezel is ouch hieël gevieërlik veur vlegers ómdet 't ies 't vläögelprofiel enn 't roer kan vervörme.