Hypercorrectie
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
'n Hypercorrectie is 'ne term oet de taalkunde en verwiest nao 't volgende versjiensel. Taalfaote, die oontsjteunt oet 'ne angs um faote te make of umdat me gewènd is dat 'ne bepaalde klaank in 't Nederlands, in 't plat (bekaans) ummer ene bepaalde ander klaank haat. Daodör geet me soms regels hantere oet, es ten oonrechte es analoog veroondersjtèlde, gevalle. 't Versjiensel dèèd zich väör, zoewaal bie L1-sjpraeëkers es wie bie sjpraeëkers van 'n twiede of volgende taal.
Vörbeelde
bewirk- In d'r Driejlandesjtrieëk gebruukt me dik 'n j oeë me in de res van 't Limburgse taalgebied 'n g gebruukt. Zoe kalt me in Gemmenich va jreun, jael en jroeës en in Norbik va greun, gael en groeët. In allebèj de dörper zaet me evvel jonge (Gemmenich) en jonges (Norbik). Es ieëmes oet Gimmenich zich in Norbik an 't plat va dao aa-paast en da neet jonges mae gonges zaet, da veroondersjtèlt-e dat in dit geval de j och in 'n g verenderd mot waeëre terwiel dit neet 't geval is.
- Paleis en afscheid werre palies en aafsjied, terwiel dees weurd ummer mèt "korte ei" oetgesjproke en gesjreve woorte in 't Nederlands en Limburgs. Waoërd die mèt 'n ij gesjraeve werre in 't Nederlands, werre in 't Limburgs nog ummer mèt 'n y (oetsjpraak ie) oetgesjpraoëke, zoewie ijzer- iezer. In 't Middel-Nederlands waoërt de y nog ipv de ij gesjraeve en ooch es ie oetgesjpraoëke. 't Waoërd hypercorrectie èèges is 'n vraemwaoërd, de ènnige waoërd die ooch in 't Nederlands nog mèt 'n y - mèt oetsjpraak ie - gesjraeve werre.
- D'r zichsjrik va Wim Kuipers: 't e-weglaote van zich in 't Nederlands in Nederlandse wederkerende werkwaord.
- Óp 19 augustus 2009 wert e joonk jungske geïnterviewd dör L1 in verbaand mèt d'r kap va beum langs d'r riekswaeëg in Mergraote. 't Keend zach: De bomen worden met graafmaschienes.... Normaal gebroekt me in 't Limburgs 'n sj oeë me in 't Nederlands 'n sch of 'n s gebroekt. Mae in lieënwäöërd kènt 't Nederlands ooch d'r sj-klaank es wie bieväörbeeld in machines.