Hydrologie
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Hydrologie is de studie nao 't gedraag enne eigesjappe van water innen dampkrink, op en ónger 't aerdoppervlak. 't Vakgebied behanjeltj ónger angere:
- naerslaag
- baomvochtigheid
- evapotranspiratie (verdamping + verdamping door gewasje)
- gróndjwaterstruiming
- 't aevewich tösse smultjing en greuj vanne iesmassa's oppe Aerd
In 't waterbehieër wuuertj dankbaar gebroek gemaak vanne kènnis oete hydrologie. Mit behölp van die kènnis kan waere gegarandeerdj det bewóndje en landjboewgebiede besjikking höbben euver zat water van gooj kwaliteit en det die veilig zeen taengen euverstruiminge.
De hydrologische cyclus vörmp de basis veur 't vakgebied vanne hydrologie. Die besjrief de waeg dae 't water aaflègk doren dampkrink (inne vorm van waterdamp en wölk), nao de Aerd (es naerslaag), euver en dore baom (baeke, reveren en gróndjwater), nao 'n zieë of oceaan en weer trögk nao d'n dampkrink (door verdamping).
