Huub Noten
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Huub Noten ( gebore 1941) waor journalis, sjriever, regisseur en en theatermeker oet Mestreech. Hae wèrkde in de jaore 60 veur de KRO-radio. Daonao woort'r chef van de sjadsredactie van de gezèt De Nieuwe Limburger in Mestreech. Hae hou ouch e nuujswinkelke in de Wolfsjtraot.
Noten waor 25 jaor, van 1981 tot 2006, artistiek leider van de Mestreechter Operette Vereiniging en opriechter van 't Mestreechs Volleks Teater, dat in de loup van de jaore 'n groat aantal "lachstökke" (kluchte) zou oetveure. In 2006 naom hae hie aafsjeid es artistiek leider.
Es sjriever heel hae ziech bezig mèt "miensjelike verhaole" euver de gewone Mestreechtenaer. In dat kader sjreef hae euver de Mestreechse sjriever Fons Olterdissen 't book "Jao diech höbs us aon 't hart gelege".
Hae waor ouch de opriechter van 't reuzegilde "Gigantus", de carnavalspoep "vrouw Wielemösj" en van de Kletskriemerkesmiddag.
Op zoóndig 26 april 2009 ies Huub Noten thoes gesjtorve. Ziene liefsjpreuk waor: "Lache is 't sjoenste wat 't gief".
Werk
bewirk- Diverse musicals, toneelsjtökker, en kemikke opera's' in 'Mestreechs. Sómmige mèt tekste -bewèrkinge van Fons Olterdissen en Bèr Hollewijn.
- Diverse beuk, o.a. eint euver de algemein begraafplaats aan de Tóngerseweeg in Mestreech: Tuinen van stilte.
- In 2007 De Mestreechsen teks van de musical "Trosse los, humme oet".