Hook
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Hook kan versjillige meiningen höbbe. Zoea guuef 't inne maetkónde de maot van verdrejjing van 'n lien t'n opzichte van 'n anger lien aan; bie e veurwirp 'ne sjerpe randj of puntj; en bie toponiemen e landjpuntj of 'n plaats bie det landjpuntj.
Maetkónde
bewirk'nen Hook inne maetkónde is e figuur in e vlak gevörmp door twieë halfrechte, bein vannen hook geheite, mit e gemeinsjappelik beginpuntj. Drejtj me ein vanne bein óm dit hookpuntj toet t'r mitten angere samevèltj, den doorlöp de halfrechte d'n hook tösse bei. Dudelik is det dees bewaeging op twieë menere kan plaatsvinje, zoeadet dore halfrechten ouch twieë heuk waere gevörmp; dees heuk vörme samen 'ne cirkel ("vóllen hook"). Zónger nejjer bepaoling raekentj me meistes de kleindere van bei heuk es d'n hook gevörmp dore halfrechte.
't Sniepuntj vanne twieë liene wuuertj 't hookpuntj geneump.