Hoes veur de Kunste
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
't Hoes veur de Kunste ies 'n deensverliènende organisatie op 't gebied van de kunste en cultuur in de Nederlandse provincie Limburg. De disciplines zin: Muziek, toneel, dans, beeldende kuns, audiovisuele media, literatuur, musea, sjtreektaal, monumente, festival, cultuurparticipatie en cultuureducatie. Mètwèrkersj geve óndersjteuning aan sjtiechtinge en vereiniginge op provinciaal niveau. Daoneve organiseert me ouch zelf projecte en activiteite.
't Fundament van 't Hoes veur de Kunste woort gelag in 1999 door veer amateurkunste organisaties: de Limburgse Bond van Muziekgezelschappen, de Limburgse Bond van Tamboerkorpsen, de Limburgse Federatie van Amateurtoneel en de stichting Verenigde Nederlandse Koren - afdeling Limburg. In de dao-opvolgende jaore sjlote ziech ummer miè organisaties aan bie 't Hoes en ginge ouch de professioneel kunste tot de doelgroep behuère.
De aangesjlote organisaties en vereiniginge were geholpe op financieel, secretarieel, organisatorisch, beleids en publicitair terrein. Ouch kènt me hie terech mèt vraoge euver neet-aangesjlote organisaties.
't Hoes veur de Kunste haet häör kentoar in Remung.