Hoagfiès
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
E hoagfiès in de katholieke kèrk ies ´n belangriek kèrkelik fiès,´t hoagste in rang in de liturgie. De viering begint op d'n aovend vanteveure. Es zoan hoagfiès 8 daag doert kalle v'r van 'n octaaf. Op de fièsdaag weurt 'n (pontificaal) hoagmès gecelebreerd. De liturgische kleur ies wiet.
De belangriekste hoag kèrkelike fièste zint: Paosje, Hemelvaart, Pinkstere, en Kaersjmes.
Hoagfièste in 't liturgisch jaor
bewirkIn 't liturgisch jaor, dat mèt de advent begint, were de volgende hoagfièste gevierd:
- 8 december: Maria Ónbevlekde óntvangenis
- 25 december: Kaersjmes
- 1 januari: Maria Moder van God
- 6 januari of de zóndig nao 6 januari: Epifanie of Openbaring van de Hièr
- 19 mièrt: Sint Jozef
- Paosje: 'ne zóndig tösje 22 mièrt en 25 april
- 25 mièrt: Annunciatie of Maria boodsjap
- Hemelvaart: de dónderdig veur de 6e zóndig nao Paosje ofwaal 40 daag nao Paosje
- Pinkstere: de zevende zóndig nao Paosje ofwaal 50 daag nao Paosje
- Heilige Drie-einheid of Drievuldigheidszóndig, de zóndig nao Pinkstere
- Sacramentsdaag: de twiède zóndig nao Pinkstere ofwaal 60 daag nao Paosje. Dèks ies dit 'ne vriejen daag. 't Weurt ouch waal op de zóndig denao gevierd.
- Heilig Hart van Jezus: op de driede vriedig nao Pinkstere
- Johannes de Duiper: 't fiès vèlt op ziene geboortedaag, 24 juni
- 29 juni: de apostele Petrus en Paulus
- 15 augustus: Maria-Hemelvaart
- 1 november: Allerheilige
- 17 november: Willibrordus, allein in de Nederlandse kèrkprovincie
- Christus Keuning: eind november, 34e en lètste zóndig van 't liturgisch jaor