Heuj

Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.

---

Heuj.

Heuj (of hui) besteit houfzakelik oet gedruèg graas, mer ouch de anger plantje die tössen 't graas greuje. Heuj kan aevel ouch waere gemaak oet anger plantje, wie luzerne. Det neump me den toepasselik "luzerneheuj".

Heuj wuuertj gebroek es voor veur bièster tiejes de wintjer of in druèg periode wen weinig graasgreuj is. Vreuger woort 't väöl aan vieë op häöf gevoordj, mer allewiel väöl mieër aan versjillige herbivoare die es hoesdeer waere gehaje, wie paerd, sjäöp, geite en knaagdere, mer ouch bièster in deerparke. Heuj wuèrtj gemaak door 'n wei aaf te mejje en 't mejdsel einigen tied te laote ligke zoadet 't druèg inne zón. Vreuger zoog me zoa väöl oppers (klein miete) in 't Limbörgs landjsjap worop 't heuj dièj druège.

Heuj versjiltj zich van struè ómdet det litste gedruèg kaore is.

Terminologie

• Baa\ntj (mièvawd: "bae\nj"): 'n wei die deendje veur heujperduksje.
• Gro\mendj: heuj vannen twièdje mejtrèk.
• Hoe~s (mièvawd: "hoe~ste"): zuuch opper.
• Opper: 'nen houp worop 't heuj te druège woort gelag.
• Uikel: zuuch opper.