Heterofonie
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Heterofonie is 'n soort muzikaol textuur boebij 't muzikaol betoog weurt gebrach door diverse stumme die oongeveer meh neet perceis dezelfde melodie speule. Daoneve kin 't ouch nog stumme zoonder melodische weerde geve; dit hoof evels neet. Heterofonie steit daomèt in tegestèlling tot monofonie (einstummege meziek), polyfonie (mierder stumme mèt apaarte melodieë), homofonie (ein bovestum boe de aander stumme in mètgoon) en monodie (ein melodie en de res allein begeleiing). Heterofonie kump in de Westerse "klassieke" meziek neet veur (tenzij in bepaolde avant-gardewerke) meh heet wel zien plaots in de New Orleans jazz/Dixieland, boe klarinèt, trompöt en trombone de hoofmelodie eder op hun eige wijs umspeule. Wijer kump 't in diverse vörm vaan neet-westerse meziek veur. Zoe zèt in de Japanse gagaku 'n grop melodie-instruminte dèks dezelfde toen expres neet tegeliek in, um 'ne geleideleken euvergaank vaan d'n eine nao d'n aanderen toen te kriege.
Dit artikel is e sjtumpke. De kans Wikipedia helpe door 't aan te völle