Haorvaat

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

'n Haorvaat (Letien: vas capillare) is e bloodvaat det spraekwaordelik zoea dón is wie 'nen haor, meh feitelik zeen haorvater zoeaget vief toet tieën kieër dunder; ze zeen 5 toet 10 µm groeat. De haorvater make deil oet vanne bloodsómloup.

Door sómmige haorvater passe slechs einen of inkel bloodcelle naevenein tróds häör klein aafmaeting is d'n dwaersjdoorsnit van alle haorvater biejein väöl grótter es dae van alle anger bloodvater wie de aoren enne slaagaore biejein. Euveriges kónne haarvater ónger invlood van hormoeanen oetgreuje toet 'nen aor.

Sómtieds wuuertj 't bindjwaefsel det de haorvater elastisch maak slapper. Dit kump mit naam veur bie ajer luuj. De vater rake den euvervöldj van blood, wodoor ze zichbaar waeren es roeaj vlekke, meistes in 't gezich. Dees huudaandeuning, die eigentlik dus 'n vaataafwieking is, wuuertj couperose geneump.

Väöl óngerzeuk wuuertj gedaon nao de inductie vanne greuj van haorvater ónger anger mit 't oug oppe óntwikkeling van genaesmiddele die dit percès bie kankergezwelle zówwe kónne taengegaon en zoea de tumorgreuj kónnen aafbremze.