Hamm
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Hamm is 'n krinkloes stad (stad die neet behuurt bis 'ne krink of Kreis, dus Kreisfrei is) in 't noorde vaan Noordrien-Wesfale. De Wesfaalse plaots vilt oonder 't Regierungbezirk Arnsberg en allewel neet metein ligkenterende neve 'n groete stad (Dortmund ligk evels kortbij), is 't wel deil vaan 't meis oosteleke gedeilte vaan 't Ruhrgebeed. Wijer grens 't aon de kring Kreis Coesfeld, Kreis Warendorf, Kreis Soest en de Märkischer Kreis. Hamm ligk op 'n hoegte vaan 63 meter. De stad heet 'n oppervlak vaan 226,43 km², en volgens de census vaan 2014 gief 't dao 176.048 inwoeners. Heimèt heet 't 'n bevolkingsdeechte vaan 777 de veerkante kilometer. Sinds de nuie stadsraod vaan 2014 is de CDU de groetse polletieke partie mèt 25 zetels. Dit in tegestèlling bis de meiste Roergebeedse steij, boe normaliter SPD de stadsroad regiert. Op de twiede en daarde plaots komme daan de SPD (20) en de Grüne (4). In Hamm gief 't gein universiteit, de meiste plaotseleke bewoeners höbbe gestudeerd aon de Westfälischen Wilhelms-Universität in Münster of 'n universiteit in 't Roergebeed. Wel gief 't twie hoegesjaole in de stad, boeveur Hamm veural bekind is um häör ikkenomiestudie. De stad besteit oet 7 distrikte.
Brón
bewirk- Duutstaolege Wikipedia