Groeat Limburgs Dictee

(Doorverweze van Groeët Limburg Dictee)

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


't Groeat Limburgs Dictee is 'n dictee det georganiseerdj wuuertj door de Limburgse Literair Lies (LiLiLi). 't Dictee besteit oet 'n tieëntal zinnen in versjillendje dialekte. De deilnummers dene dees zinne krek te spelle volges de Veldekespelling 2003, in 't dialek wo-in ze veurgelaeze waere.

De ieëste editie van 't dictee haet plaatsgevónje in 2005. De lèste kieër is 't gehajen in 't Glaaspalies in Haerle, es óngerdeil van d'n 11e LiLiLi-daag op 26 oktoeaber 2008.

Groeat Limburgs Radiodictee bewirk

Op 17 september 2009 haet L1, óngersteundj door 't Hoes van de Kunste Limburg, de Raod veur 't Limburgs en de streektaalfunctionaers, veur 't alderieës 'n Groeat Limburgs Radiodictee georganiseerdj. Daobie woor 't meugelik óm inne radiostudio of van heim oet mit te doon. Dit is zoeawied bekindj 't lèste Limburgs Dictee toet noe toe.