Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Greta Thunberg.

Greta Tintin Eleonora Ernman Thunberg (3 jannewarie 2003) is 'ne Zweedse lieërling en klimaataktivis dae vech taenge klimaatopwurming en mitigatie, waat begós mitte Skolstrejk för klimatet "sjoealestaking veur 't klimaat". In augustus 2018 woort 't bekandj inne ganse werreld wiedetj 't de ieëste sjoealestaking veur 't klimaat begós veure Rieksdaag in Stockholm. In december spraak 't bie 'n klimaatkónferensje vanne Vereinigdje Naasjes.

Thunberg is op 3 jannewarie 2003 gebaoren in Stockholm. 't Is diagnostiseerdj mit 't syndroom van Asperger. 't Is 'n dochter vanne zengerin Malena Ernman enne tenieëlspeler Svante Thunberg.

Zelf duit 't neet vlegen en is 't veganistisch gewore veur 't klimaat te helpe.

Op 11 december 2019 woort Thunberg door 't tiedsjrif Time oetgeropen es Persoean van 't Jaor in 2019.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Greta_Thunberg&oldid=439955"