Hargobind
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Goeroe Hargobind of Har Gobind (Gurmukhi: ਸ੍ਰੀ ਗੁਰੂ ਹਰਗੋਬਿੰਦ ਜੀ, Devanagari: स्री गुरु हरगोविंद जी) (Wadāli, India, 19 juni 1595 — Kīratpur, dunbie de Himalayaberg, 3 mieërt 1644) waas de zèsdje goeroe vanne sikhs. Hargobind waerde op 25 mei 1606 goeroe en trooj inne veutspaorder van zie vader Arjan.
Hargobind óntwikkeldje e sterk sikhlaeger en gaaf 't sikhisme zie traditioneel milletaer karakter. Dees óntwikkelinge wore door Arjan, d'n ieëste sikhistische martelieër, in gang gezatj en waerde ónger leijing van Hargobind sterk oetgebrèdj.
In 1609 boewdje d'r in Amritsar de Akāl Takht "Troean van God", 'nen tempel worin zowaal geiselike zaken es zaken euver 't sikhvouk bespraoke kóste waere. Hae boewdje kortbie Amritsar geneump Lohgarh.
't Toenummendj milletaer machsvertuin vanne sikhs waerde dore Mogols gezeen es 'n bedreiging. Keizer Jahāngīr naam Hargobind veur twellef jaor lang gevange, meh de toewiejing vanne sikhs waerde daodoor juus sterker, waat 'n óngewins rizzeltaot waas veure keizer. Oetintjelik waerde de goeroe vriegelaoten en waerde de militanten opboew vanne sikhs doorgezatj.
Alieër de goeroe stórf beneumdje d'r goeroe Har Rai, ziene kleinzoon, toete volgendje goeroe vanne sikhs.