Gerrit Schimmelpenninck
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Gerrit Schimmelpenninck (25 fibberwarie 1794 - 4 oktober 1863) waor d'n aller ierste Veurzitter vaan de ministerraod (v'r zègke noe: de premier) vaan Nederland vaan 25 miert 1848 tot 21 november 1848. Heer waor vaan de liberaol beweging. Schimmelpennick woort opgevolg door Jacob de Kempenaer es veurzitter vaan de ministerraod. Moot gezag weure dat in Schimmelpennick zien tied 't veurzittersjap in de praktiek routerend waor. Dat veraandere mèt Kempenaer.
Deze positie woort es de belaangriekste politieke functie binne 't Keuninkriek vaan de Nederlen gezeen, op de Keuning vaan de Nederlen nao. In 1945 zaw de functie pas officieel de minister-president of premier geneump weure.