Giorgos Giakoumakis

Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.

---

Giakoumakis in zienen tied beej AEK.

Giorgos Giakoumakis (Γιώργος Γιακουμάκης; Herakleion, 9 december 1994) is 'ne Griekse vootballer. In 't sezoen 2020/21 speult hae beej VVV-Venlo.

Carrière

Giakoumakis begós in de jeug beej amateurclub Atsalenios in zien gebaortestad. In 2012 stapde hae euver nao Platanias FC, det op 't hoeëgste nivo speult. Hae bleef dao vief jaor speule. In 2017 góng hae euver nao topclub AEK Athene, maar hae kwaam dao maar noow en dan aan vootballe toe. Hae woort twieë kier oetgelieënd: iers aan OFI Kreta, dan aan Górnik Zabrze in Pole. Wie hae dao speulde woort hae óntdek door Stan Valckx, sportief direktäör van VVV. Giakoumakis kwaam veur 200.000 euro van AEK euver en kreeg 'n contrak tot 2022 mit 'n optie veur nog 'n jaor.

Beej zien debuut veur VVV veel hae direk op mit 'nen hattrick taege FC Emmen. Later, in december 2012, scoorde hae zelfs veer kier in de match taegen ADO Den Haag. Hae herhaolde dat ind jannewari taege SBV Vitesse. Vergeliekinge woorte gemak mit Hans Sleven en Herman Teeuwen (allebei rónd 1960 actief), zoeëwie mit Luís Suárez (topscoorder in 't sezoen 2009/10 as vootballer van Ajax). Nao de winterstop raakde hae aevel oet vörm. Hae waor ouk väöl geblesseerd of geschors. Oetendelik woort hae mit 26 gole toch nog topscoorder van de Ieëredevisie. VVV waas aevel te aafhenkelik van häöm allein en raakde in vrieje val, um te endige op de 17e plaats en te degradere. 't Waas veur 't iers det de topscoorder vaan de Ieëredevisie beej 'n degraderende club zaot.

Giakoumakis speulde in 2015 dreej matche veur 't Grieks jeugelftal. Naodat hae beej VVV zoeë good speulde, selecteerde John van 't Schip, bóndscoach in Griekeland, 'm ouk veur 't Grieks elftal. Hae speulde dao wies jannewari 2021 dreej kier en makde eine gool.