Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


'n Kestieëlfontein.

'n Fontein of 'n springbrón is 'n netuurlike of kónsmaesige installaasje die water spötj. Dit kan permanent zeen of variëre aafhenkelik vanne drök dore toeveur vanne vleujstof. d'n Oearsprónk vanne kraan enne wastaofel is te vinje bieje fontein. 'n Klein wastaofel (wie in 't sjiethoes) wuuertj nag ummer e fonteinke geneump.

Inne netuur kómme fonteins veur op plaatse wo water mit groeate kraf door 'n nej äöpening wuuertj gepaers. Wen 't water van óngere gróndj kump den is dees fontein ouch 'n brón en sprèk me van 'n brónfontein.

'ne Geiser is 'n netuurlike brónfontein mit kaokendj water, det in óngergrundjse percèsse wuuertj opgewurmp en dore ummer toenummendje drök zich op gezatje tieje oete gróndj kump es stoum.

E blaosgaat is e laok inne rotsen ane kus wie op 't eilandj Española vanne Galápagoseilenj, wo de golven 't water bie vlood döks toet 20 maeter hoeag doon opspuite.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Fontein&oldid=453137"