Foekepot

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

---

Foekepotsjpeler op 'n sjilderie van Frans Hals, 2e hèlf van de 17e ièew

'ne Foekepot is 'n oud muziekinstrument. De naam foek zou óntsjange zin es 'n soort klanknaobootsing. 't Instrument besjteit traditioneel oet eine Keulse pot (van aardewerk) mèt dao euverheen ein verkesblaos gesjpanne. In 't miedde van de blaos is ein reet gesjtoke. Door in de hand te spieje en mèt dee voes euver 't reet te sjtrieke, huèrt me de karakteristieke klanke.

In de Achterhook neume ze 't sjtriekinstrument ouch 'ne foekepot.