Flora (besjrieving)
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
'ne Flora ies 'n besjrieving van plante, sjtruuk, buim, kroed, blome en zaod mèt de bedoeling dees te kènne determinere.
Meistal ies sjpraoke van 'n book mèt illustraties en/of foto's. In vreuger jaore maakde me gebruuk van kroedbeuk (kruidenboeken).
Sóms weurt de Flora ('t planteriek) oet 'n bepaalde biotoop, 'n sjtreek, 'n klimaat of 'n land besjreve. Ouch ander rubriceringe zint meugelik zoa-es buim en sjtruuk, nuttige plante, geneeskrachtige plante, vergieftige plante, wil plante en gekweekde plante. Flora's were ouch es handbeukske oetgegeve, um mèt te numme bie 't wandele. In de 21ste ièw besjtoon d'r versies op CD-ROM en DVD en ouch op internèt zint diverse flora's te vinge.
Flora ies de verzamelnaam van 'ne groep plante.
'n Apaarte categorie ies de groep Volksname van plante.
WLD
bewirkDe driede aaflevering in Deil III van 't WLD of Woordenboek van de Limburgse Dialecten haet es titel Flora. In 't book were de plante behandeld, die in Belsj en Nederlands Limburg in 't wild veurkómme. Alle plaatselike volksname of dialekname were vermeld.
Bekènde flora's
bewirk- Flora van H. Heukels: flora van Nederland, väöl drökke (P. Noordhoff) Groningen.
- Sjoalflora van Nederland (Heukels)
- Plante-atlas (Heukels)
- Geïllustreerde Flora van Nederland door E.Heimans, W. Heinsius en Jac.P.Thijsse (1e drök 1899, väöl drökke) (W. Versluys) Amsterdam.
- Flora van Belsj, 't Groathertogdom Luxemburg, Noord-Frankriek en aangrenzend gebeed
- De Flora van Nederland (atlas van platen) door C.A.J.A.Oudemans 1872 Amsterdam
- Flora van Europa door J. Triska Meulenhoff, Amsterdam
- Wilde bloemen door Roger Philips, Het Spectrum, Utrecht
- Bomen van de Gematigde streken door Roger Philips, Het Spectrum, Utrecht
- Nuttige planten in kleur, Else Hvass, Moussault, Amsterdam