Fanfaar St. Gertrudis Se-Gietere
- Dit artikel is gesjreve in 't Èèsjdes. Ómdat 't plaatsgebónge is, maogs doe 't ómzètte nao 't Se-Gietersj, es te dit dialek sjpriks.
De Keuninklik erkinde Fanfaar St. Gertrudis van Se-Gietere is meziekverejniging mit 'n hermenieorkest en 'n sjlaogwirkensemble oet Se-Gietere, dat opgericht weerd ien 1905.
Vreuger bewirk
Tot 'n paor jaor geleeje weerd d'r sjteeds aongenoeme en aog doer de awwere generatie vertelt dat ien 1905 Se-Gietere z'n iersjte meziekgezelsjap riek weerd. Archiefmedewerker en geboere en getoeëge mins van Se-Gietere Frans Roebroeks ontkrachtte dit feit doer te archiefsjtukke te ontdikke, oe oet bleikt dat ien 1839 ien Se-Gietere 'n hermenie weerd opgericht doer de toenmaolige pasjtoer Quadvlieg.
't Uëverleaje van dirigent Duijsens ien 1856 en 't vertrik van de pasjtoer ien 1857 waor, zoe wurd aongenoeëme, reaje um ien 1857 de activiteiten te sjtoppe. 't Duurde tot 1905 vuurdat d'r kos wurre gekald van 'n hervatting van de activiteiten. 'n Aontal leeje van de besjtaonde mannezangverejniging besjloeëte, ien Café Graven, um de hermenie opnuj leave ien te blaoze. Es gevolg van de teruklaop van 't leede-aontal (terukgebracht tot 21 actieve muzikanten) weerd ien 1919 besloeëte um de hermenie um te vurme tot fanfaar
Mit naome ien de dartiger jaore kinde de verejniging 'n periode van bleuj. De komsj van de Duitse legers zurgde vuur 'n verplicht rusjperiode. Ien 1945 weerde de rippetisies wir hervat met 'nne groep van 17 muzikanten ien totaal. Langsemaon brejde zich 't aontal muzikanten oet, mit es gevolg dat aog de muzikale successen neet oetbleeve.
Ien 1956 weerd aon de fanfaar 'n drumband tówgevoogd.
De bleujperiode duurde tot 't begin van de sesjtigger jaore. De komsj van de televisie waor aog ien Se-Gietere neet vreamd en 't rippetisiebezeuk ging dao flink ongder lejje. 'n Aontal dirigentewisselinge volgde zich sjnel op tot de komsj van de jonge neuëgetien-jaorige Ben Essers ien 1978. Sjtartend ien de iersjte aofdejling wis heir 't korps ien 1987 tow te lejje nao de aofdejling superieur.