Fairfield County (Connecticut)

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Fairfield is 'n in 1666 gestiech graofsjap. Polletiek gezeen höbbe de graofsjappe in de regio Nui Ingeland gein beteikenis mie. De kösplaotse vaan 't graofsjap stoon ouch wel bekind es The Gold Coast. 't Graofsjap heet gein hoofplaots.

Demografie

't Graofsjap heet 'n oppervlak vaan 1.621 km² en gaof 882.567 inwoeners aon in 2000.

83,3% Blaank
10,7% Zwart
0,4% Inheimse Amerikane
4,3% Aziate
0,1% Aanders
15,4% Spaons of Latin

Historie

In 1666 woort 't graofsjap gestiech door Adriaen Block. Metein woort 't 'n populair graofsjap oonder Europeane. E jaor later woort de ajtste brögk vaan Amerika hei gemaak, namelek: The Rings End Bridge in Darien. Fairfield woort de hoofplaots vaan 't graofsjap, mer de plaots woort steeds minder belaankriek dewijl Bridgeport bleef greuje. Noe is dit de groetste stad. Heidoor woort in 1853 Bridgeport de nui hoofplaots. 15 jaor later woort de bevreesde Ku Klux Clan hei opgeriech, um precies te zien in Darien. De sekte bleef tot 1876 actief in 't graofsjap, daonao dook de sekte pas 35 jaor later op in de staot Texas. Pas in de jaore '20 kós me lui vaan dees sekte weer in Fairfield County tege komme. In 1915 stoont 't graofsjap weer mie bekind is 't graofsjap boe de USS G-3 (SS-31) ('ne duukboot) woort gemaak.

Leve in Fairfield

Fairfield County späölt 'n groete oonderwiesrol in de staot, aongezien 't vijf vaan de vieftien universiteite heet. Daoneve gief 't qua cultuur väöl te doen. Neve 't feit tot 't hiel populair is oonder de Europese lui, gief 't drei festivalle per jaor en e groet filmfestival (Connecticut Film Festival). Dit festival is 't populairste filmfestival vaan Nui ingeland en gief speciaal väöl aondach aon Connecticutaonse films.

Aongrenzende Graofsjappe

Litchfield County - noorde
New Haven County - ooste
Westchester County in New York - zuidweste
Putnam County in New York - weste
Dutchess County in New York - noordweste