Fokker F28 Fellowship

Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.

De Fokker F28 Fellowship is net wie de BAC-1-11, de DC-9 en de Tu-134 Crusty, een sjtraolvleegtuug det zo’n 60 toet 70 passageers kin verveure. Ouch höbbe dees vleegtuuge de motors aan'ne achterkantj van'ne romp geplaatsj wodoor minder geluid in'ne cabine weurdj gecreëerdj. De F-28 kos de concurrentie mit de DC-9 neet aan omdet 't vleegtuug ein kleiner capaciteit haaj, en ouch ein kleiner vleegbereik en leger sjnelheid. Waal beschikdje de F-28 euver gooj sjtart- en lanjingseigensjappe zodet d'r van onverhardje bane kos waere opgesjtege. 't Basismodel (Mk.1000) waerdje al sjnel verlengkdj en omgeduiptj toet Mk.2000 (dees versie booj aan 79 passageers plaats) en de Mk.3000 (dee aan 85 passageers plaats kos beeje). Naodet de F-28 bienao neet meer waerdje geboewdj omdet de concurrentie te groot waas, waerdje 't vleegtuug opnuuj verlengkdj. De daoopvolgendje vleegtuuge, de F70 en F100, waerdje weer ein groot succes en waare eine gooje concurrent.

Technische gegaeves F28 Fellowship

Lengte: 26,61 m.
Breidte: 25,08 m.
Heugte: 8,47 m.
Kruutssjnelheid: 840 km/u
Vleegbereik: 3900 km.