Euversjpanningsaafleier

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.

'nen Euversjpanningsaafleier is 'n constructie die in 't geval van 't optraeje van 'n euversjpanning, beveurbeeld es e gevolg van 'ne blikseminsjlaag of sjakelhanjelinge, 'n veilige aafleijing in wèrking zit zodet de euversjpanning gein sjaaj toebringk aan anger óngerdeile. Euversjpanningsaafleiers plaats me veurnamelik in e nètwerk mit leeg sjpanning, mer ouch in midde- en hoogsjpanningsinsjtallaties kump 't veur, eural es bliksemsjtroumaafleier óm te verkómme det besjajiginge optraeje door euversjpanning, wie in sjtations van 't hoogsjpanningsnèt.

Euversjpanningsaafleiers in de sjtations van 't hoogsjpanningsnèt höbbe es eigesjap det zie de optraejende euversjpanninge begrenze en toet 'n acceptabel niveau trögkbringe. Hiejdoor besjteit gei gevaor meer veur wichtige óngerdeile wie driefasetransformatore mit grote vermeuges. Door dees begrenzende eigesjap kinne euversjpanningsaafleiers betrèkkelik gojekoup zeen, wodoor zie ouch heel väöl waere gepas.

Euversjpanningsaafleiers mótten aan drie eise voldoon: 1. snel aansjpraoke; 2. de sjtroum zo sjnel meugelik aafbraeke; en 3. e groot aantal euversjpanninge kort nao ein kinne verdrage.