Euverlèk sjabloon:Landjtabel

Hoi,

iech höb 'n sjabloon gemaak um informasie euver een land te laote zien (in prinsiepe is dit geliek aon het sjabloon vaan de Nederlandse wiki, allein vertaold). Dit sjabloon kin weure gebruuk in plaots vaan d'n tabel - kwa opmaak neet altied eve sjoen - dee noe bijj de versjèllende len steit. Iech zal de len ein veur ein aonpasse. Iech bin neet zeker of iech alle tekste good höb gespeld. Iech höb d'n AGL lies debijj gepak um 't te vertaole, mer 't zow good zien es iemes aanders ouch nog 'ns denao loert. Este neet wèts wie 't aongepas moot weure laot het daan eve wete daan daon iech 't wel. --Pahles 28 aug 2006 15:20 (CEST)

Iech höb ouch eve geloerd in de AGL-lies. Volges miech klop 't allenei --Aelske 28 aug 2006 20:10 (CEST)

Liènweurd oet 't Frans,Ingelsj, Duutsj, Latien, Nederlands enz. weure gewoon gesjpeld es wie in de origineel sjpelling van herkóms. Allein es de oetsjpraok ech verLimburgs ies weurt ze aangepas. Mestreech haet ziech in zien nuuj woordebook neet aan dae reigel geconformeerd, ies dus 'n oetzóndering. (Jaomer). AGL gebruke v'r allein mer in sjablone en algemein tekste. Veer zouwe dan eigelik 'n dialek moete keze. Um noe te veurkómme, dat ein dialek te väöl nao veure zou sjpringe, ies veurluipig gekoze veur 't AGL, wat dus gein éch (gesjproke) dialek ies. (Noadoplossing)--Aelske 1 sep 2006 14:38 (CEST)

Oongebruukde parameters

Iech höb de goodbedoelde bewèrkinge vaan d'n anoniem mer eve gans trökgedrejd. Steinbach (euverlègk) 9 fib 2015 12:23 (CET)

Ich zeen det gebroek wuuertj gemaak van 'ne paramaeter "hiddenStructure". Deze kin ich aevel neet trögkvinjen op MediaWiki:Common.css of MediaWiki:Common.js. Allich det 't dao-aan ligk. --OosWesThoesBes (euverlègk) 9 fib 2015 12:57 (CET)

Hoofsjtad -> Huidsjtad

Iech bin neet veur dees wijziging. Jao, "huid" is AGL, met ouch zier archaïsch, en veur de mieste Limburgers totaol neet herkinbaar. V'r höbbe in 2007 al 'ns 'n discussie gehad euver de naom vaan de toenmaolege "Huidpazjena" boe v'r gekoze höbbe veur "Veurblaad" zjus door de onherkinbaarheid vaan 't woord. 't Is vreemp es v'r 't daan hei weer inveure! - Pahles | zègk 't mer 12 jun 2017 16:11 (CEST)

Mich is 't egaal. Al höb ich waal 'ne lichte veurkeur veur "houfsjtad" mit 'n "ou", aangezeen det is wie väöl luuj 't hie in Midde-Limbörg zègke. --OosWesThoesBes (euverlègk) 13 jun 2017 12:39 (CEST)

Gief 't nog iemes mèt 'n meining hei-euver? Aanders verander iech 't in "houfsjtad" veur de herkinbaarheid, zoewie oetgelag. - Pahles | zègk 't mer 14 jun 2017 08:55 (CEST)

Miech is 't ouch egaal. Meh iech wèl wel eve zègke tot dit get aanders is es de discussie over Huidpazjena/Veurblaad. 't Veurblaad vaan Wikipedia is gemeind es reclaam, es dat neet lekker löp sjrik dat aof. In e sjabloon is dat get aanders. Wee dat leus, dink allezeleve: deh, zal wel. En iech num aon tot de gemiddelde lezer ech wel versteit tot 't hei um de 'hoofstad' geit. Steinbach Maak de wereld sjoender, besjrijf häöm op Wikipedia! 14 jun 2017 10:09 (CEST)

Es 't gein dudeleke mierderheid gief zal iech 't zoe laote. - Pahles | zègk 't mer 14 jun 2017 10:24 (CEST)

Es ich AGL sjrief, sjrief ich ummer hoofsjtad en neet houfsjtad. Waal kin ich mich hieël good vuursjtelle dat de mieëtste Midde-Limburgse dialekte doa d'r ou-klank han, meh dat is te wieënig um 'ne naam zoeëmeh te verengere. Missjien is 't beëter um ieëmes va d'r AGL-verein te contactere?--SCV (euverlègk) 14 jun 2017 10:35 (CEST)

@Pahles: Es tiech 't hiel gere zoe wèls en geinen aander is detege, maagste 't bès veraanderdere.

@Stephan: Jao, dat kin. Soms moot 't AGL gewoen eve get los weure benaoderd, wie eder standaardtaol-in-weuring. Steinbach Maak de wereld sjoender, besjrijf häöm op Wikipedia! 14 jun 2017 10:41 (CEST)

@Stephan: Zowaal hoof- es houf- zeen gein good AGL. Op 't AGL is 't huid-. --OosWesThoesBes (euverlègk) 14 jun 2017 14:25 (CEST)