Euverlèk:Marmer

Laatste reactie: 16 jaar geleden door Aelske

Ies 't neet greun marmer, zjwart marmer en roeëd marmer? (marmer is toch ónzijdig)?--Aelske 9 mei 2007 22:06 (CEST)Reageren

In 't Mestreechs is 't Malleber en dat is weer mannelik. - PAhles 9 mei 2007 23:01 (CEST)Reageren
In Norbik kalt me van d'r marmer (mannelek dus) en zaet me neet roeëd mae roeëj. Ich bin op zeuk nao foto's va (kuns)vörwerpe in ozze sjtrieëk va alle kleure marmer. Te beginne mèt de kruutser va Carraramarmer op 't AM. kèrkhof va Mergraote.--Mergelsberg 9 mei 2007 23:28 (CEST)Reageren

Noe gaon iech twiefele, eigelik deeg iech dat al, want allebei de vörme kómme miech neet vraem veur. Dat zal de invloed van 't Nederlands waal zin, dao ies 't het marmer. (In Valkeberg zagte ze waal malber (vrouwelik) tege 'n marmere huuf (knikker)). Väöl vrouwelike weurd kriege de lètste tied ummer miè verkièrd verboge bievooglike naamweurd (bekènde veurbeelde: blauw(e) ouge, officiële (ipv officieel) receptie, deze (ipv dees) waek). Dat gebeurt noe einmaol (jaomer), dao kèns se neet tot in den treure tege blieve vechte. Meh mèt ónzijdige weurd moet dat toch neet gebeure (zoa-es dit bv: 't kleine kind, 't roaje bleumke, 't jaorlikse fiès. Die moete alledrie zónder verbuigings- e). Dan geit toch väöl eiges van oos dialek verlore!--Aelske 10 mei 2007 12:24 (CEST)Reageren

Endepols sprik in z'ne diktionair euver 'witte malleber'. D'r steit ouch bij dat 't mannelik is. Zou d'r daan zoeväöl versjèl zien per plaotsgebónde dialek? - PAhles 10 mei 2007 13:02 (CEST)Reageren
Nei, dao zal gein versjil zin. 't Ies mesjiens neet gans dudelik gezag, meh iech twiefelde toch euver 't gesjlach van 't woord en wie miè iech d'r euver naodink, wie miè iech dink dat 't 'n mannelik woord ies. dus: de en dae marmer. 't Woord malber weurt in Valkeberg neet (miè) gebruuk, allein veur die huuf dan (vrouwelik zaet 'n oud woordebook. Dao sjteit malber es dialekwoord van marmer neet in). Ouch 't AGL geuf malber es mannelik!--Aelske 10 mei 2007 13:29 (CEST)Reageren
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Euverlèk:Marmer&oldid=64662"
Terugkeren naar de pagina "Marmer".