Euverlèk:Kouwe Oorlog

Zoeë, wir es 'n artikel va mich! Als g'r inhoudelijke vraoge höbt, sjtel ze dan iejsj aan mich, dan ken v'r 't d'r uëver höbbe. En ich höb versjrikkelik mieng bes gedaon vuur mieng dialek. Ich zou 't daorum op pries sjtelle als significante taolwieziginge (klinge mak nieks oet) a mich oetgelag waerde. Veur de res, veul laesplezaer! -- Bjorn 1 mei 2007 15:11 (CEST)

Hoi Bjorn. Good artikel van de Kouwe Oorlog en doe bies ech veuroet gegange mèt dialek sjrieve!! 'n paar dinger höb iech aangepas: t-deletie en n-deletie op versjillende plaatse. ipv zoals: zoeë es (oe mèt ë naosjlaag. ipv twiej en miej: twieë en mieë (ie mèt ë naosjlaag weurt zoeë gesjreve). De res van de sjp. cor. zölle waal dudelik zin. --Aelske 1 mei 2007 20:04 (CEST)

Aelske, Leuk om te zeen welke wieziginge dich has aagebrach en die och allemaol kloppe.. De has es oeëts(?)gezàg dat wen se good dialek wils sjrieve dat begint mit te loestere nao dichzelf. Dat höb ich gedaon en dao ich nog ummer en langzaam aan begin ich de klankversjille te huuëre(?)! Fijn is dat! --Bjorn 3 mei 2007 09:27 (CEST)

Hoi Bjorn, 'ch bin 't eens mit Aelske. Good artikel. Mae èng vraog: Haat d'r Vietnamkrèèg allèng mer dudelek gemakt an de waelt dat 'ne guerillakreeg neet te winne is of waor vör de VS 't lieëvere va dat bewies 't vöropgezat doel? En wen dit lètste woeër is, wat 'ch aannumelek vin omdat de media de vriej baan krege, vör wae waor die lès dan op de ursjte plaatsj bedoeld? En vörwat? -- Mergelsberg 2 mei 2007 00:41 (CEST)

Mergelsberg, de VS houw zeker neet es veur(of: vör?)opgezat doel om einig bewies te levere. Hun enige doel waor de euvername van Zuud-Vietnam durch Noord-Vietnam taege te houwe en daomit de oetbreiding van 't communisme (laes: Russische invloed) te sjtoppe. 't Feit dat de media vrie baan kreeg, houw 'n averechts effect op de VS: hun bedoeling waor namelik um aan de welt te laote zeen wie de machtige VS die kling, ongerontwikkelde Vietcong effe d'r onger ging kriege...mer dat lökte (of: lukte?) dus neet 1-2-3. Daonaeve waor de einige groeëte berichtgeving van dae oorlog de Amerikaanse waodurch de welt de ravazje te zeen kreeg die de Amerikanen mit bommen en wapes aanrichte. De kreegs zelden d'r angere kant te zeen: de ellende die de Vietcong aanrichte; mit als gevolg dus dat die vrie, Amerikaanse media de oorzaak waor dat de Amerikaanse bevolking zich taege dé oorlog ging kieëre.

Mer ich zal dat gedeilte nog es durchlaese (of: dörchlaese) en verdudelikke. Dank veur dien vraog! Has se d'r nog mieë? :-) -- Bjorn 3 mei 2007 09:27 (CEST)

Zoe es wie das-te 't sjriefs kint me 't och zieë. Mae ich han inderdaad nog 'n vraog. De kruusrakette en de maneer oeë-op die in Europa bv op 't Belsj - ich wonde doe dao - geplaatsjt zeunt mis 'ch waal in 't artikel. Doe waor d'r Kowwe Kreeg zelfs nog neet aafgelope es polletiek argumaent um ze zoonder de insjtèmming van de verkaoze volksvertegenwoordigers toch - lètterlek in 't holst van de nach - te plaatsje op 'ne Welzje basis.--Mergelsberg 3 mei 2007 20:51 (CEST)

Ich mot bekìnne dat ich dao neet zoeë väöl vanaaf weit. Ich weit waal ein-en-anger uëver 't plaatsje van de kruusrakette in Europa, mer de mos och oppasse neet te väöl in details te traene. Zoe-as se has gezeen, höb ich in 't artikel al aangegaeve dat ich d'r nog mit bezig bin. Veul dich vrie om daonao aan te vulle was se nog misse deis! En bedank veur de vraoge. Vraoge ken men namelik noeëts genog :-) --Bjorn 9 mei 2007 15:19 (CEST)