Euverlèk:De Limburger

Laatste reactie: 17 jaar geleden door Aelske

Kènt diet artikel mesjiens oetgebreid were mèt bieveurbeeld de historie of de relatie mèt Limburgs Dagblad? Op dees meneer geit waal hendig väöl aandach oet nao die Voerkwestie, en iech dènk toch dat d'r waal belangrieker en intersanter dinger euver dees gezèt te zègke zint. cicero 5 mrt 2007 13:34 (CET)Reageren

Iech höb d'r zelf noe ouch nog get bie gezat. Ies de informatie in die lètste alinea noe werkelik belangriek genoeg um 't zoa'n groat deil van 't artikel euver dees gezèt te laote innumme? De gezèt besjteit saer 1972, dus d'r zulle toch nog waal ander dinger oet de historie van dees gezèt 't vermelde weerd zin. cicero 6 mrt 2007 18:06 (CET)Reageren
Of 't artikel noe oetgebreid weurt of neet, ich zeen de waerd van die lètste alinea neet in. 't Is ein dingk om lestig te zeen det emes z'n opiniestök neet gepubliceerd weurt, mer wat is dao de encyclopedische waerd van? Ich ben zeker det eder gezèt 'n gigantise lies van neet te publicere opiniestök haet. Het twiede element is 't "feit" det 'n Nederlandse gezèt neet ónger Belsje wetgaeving völtj. Wat kint m'r dao noe veur zinnigs op zegke? Veur mich mot die alinea weg. BertK 6 mrt 2007 22:37 (CET)Reageren
  • Wat mich betref kin 'ch die lètste alinea verplaatsje nao de Voerkwestie. In eeder geval 't ursjte - deontologisch neet correcte -feit dat 't sjtaandpeunt van de franstalige minderhèèd in Voere neet dör dis gezèt opgenaome wert en dat de 25% Nederlanders in Voere, die die gezèt och laeze, en de Nederlands Limburgse bure dus neet geïnformeerd werre dao-uvver, terwiel d'r waal artikele uvver d'r Vlamsje groep en hun sjtaandpunt geplaatst werre. Ich zelf mieng dat d'r aantoonbare invloed die 'n gezèt haat op machsverhoudinge in 'n plaatsj wie Voere zieëker waal heemhuurt in 'n artikel uvver die gezèt. Alling al vör de geschiedschrijving is dat nuëdèg.

't Twiede deel zow 'ch kinne toevoege an 't sjtukske uvver polletiek, oonder d'r kop Belzje polletiek. Mae och hie vin 'ch dat, och al vilt de gezèt neet oonder de Belzje verkiezingswèt, feite die invloed haant op machsverhoudinge elders vermeld maoge waeëre. Vör de aander gebrukers de volgende gerussjtèlling: in d'r Belzje polletiek wert väöl erger op d'r maan, of vrow, gesjpäöld es hie. De opmerking van Bert dat 'ch get vör mich-èèges liek te lope, glietsjt langs mieng aoëlifaantehoet aaf wie taar. Want zoe-wie oonderhaand is gewete is dat neet zoe. Akkaoërd Cicero en Bert?--Mergelsberg 7 mrt 2007 01:25 (CET)Reageren

In ièrsjte instantie wol iech neet zoa wied goon wie Bert, meh mesjiens ies zien veursjtèl nog waal 't bèste. Dat de invlood van dees gezèt op Voere in 't artikel euver dees gezèt moet bèn iech eigelik neet mèt diech eins. Veer sjrieve hie 'n algemein encyclopedie, gein encyclopedie euver Voere. D'r zölle waal miè kwesties zin woa de gezèt invlood op haet gehad of - wie Bert zaet - waal miè geweigerde opiniesjtökker. Die kènne veer meujelik allenei goon neume en iech zeen eigelik gein rae woarum de dinger euver Voere dan waal. Of dat euver die verkezingswèt in 't sjtökske euver Belzje politiek moet, vraog iech miech eigelik ouch aaf, want dan verplaatse veer 't probleem nao dat artikel. Neutraliteit haet ouch te make mèt de aandach die besjtaejd weurt aan bepaalde facette van 'n ónderwerp in 'n artikel, de balans. Ouch hie weer: veer sjrieve 'n algemein encyclopedie. Iech vraog miech aaf woarum Voere al daen aandach zou moete kriege terwiel ander dörper, gemeintes, leng of sjtae toch ouch neet zoa gedetailleerd geneump were. cicero 7 mrt 2007 12:44 (CET)Reageren

O.K., es d'r meingt dat de neutraliteit van d'r Limburgse Wiki in gevaar wert gebrach dör dis alinea dan sjrap 'ch natuurlek die feite oet 't artikel. Ich sjrief trowwes väöl mieë uvver ander zakes dan uvver Voere, 'n gemingde mit 'ne problematiek dae in Europa waal uniek is.--Mergelsberg 7 mrt 2007 16:02 (CET) Hoi Aelske, messjie is 't baeëter um bie historie 't begrip sjtandaardtaal te verendere in de officiëel taal va Nederland. Want zoewel 't nederlands es 't fraans zeunt sjtandaardtale, èèngemakde tale mit 'ne sjtandaard ofwaal 'ne norm. Wie 't dao noe sjtèèt gift dat d'r indruk dat 't fraans ging sjtandaardtaal zow zieë en dat klopt neet.--Mergelsberg 16 mrt 2007 12:45 (CET)Reageren

Iech höb 't veur alle dudelikheid veranderd.--Aelske 16 mrt 2007 14:33 (CET)Reageren
Terugkeren naar de pagina "De Limburger".