Europees Stabiliteitsmechanisme

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Keertsje vaan len die lid zien vaan 't ESM

't Europees Stabiliteitsmechanisme (ESM) is e permanint financieel noodfoonds wat lieninge versterk aon lidstaote vaan d'n Eurozone (dee weer deil is vaan de Europese Unie) die in financieel perbleme verkiere.

't Oetindelek buut vaan dees lieninge is 't bewake vaan de ikkenomisch en financieel stabiliteit vaan de Europese Unie (de EU) um zoe de weerd vaan d'n euro hoeg te hawwe. Dit permanint noodfoonds is d'n opvolger vaan 't tiejelek noodfoond: de European Financial Stability Facility. 't ESM is sinds 8 oktober 2012 operationeel. D'n Duitse Klaus Regling geef leiing aon 't permanint noodfoonds.

Same mèt 't Europees Fiscaol Kompak waor 't ESM opgezat um de Europese sjöldecrisis tege te gaon.