Eric van Hoof
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
Eric van Hoof (Gelaen, 1975) is 'ne Limburgse Nederlandstalige dichter dae nao z'n sjtudie Ingelsje taal en cultuur in Leide dao blaef wónne.
Van Hoof debuteerde es dichter óp Poëzieslag van 't Festina Lente Podium in Amsterdam in 2006. Daoväör hów e ènnige jaore vör de sjpas gedichte gesjraeve. E waoért evvel e-zoe bevange dör 't hèllig vuur van de poëzie dat e zih väörnoom öm in Leide ooch zoe'n evenemaent óp te zitte. Dit evenemaent waoërt Dichter Bij Jou Poëzieslag. 't örsjte sezoen va 2006-2007 waoërt succesvool aafgesjlaoëte en d'r kieëm e vervólg.
Naeve versjèjje gedichte in ópdracht, begoes 't belke ech good te rólle in 2007 es e paar publicaties van 'm versjienge: o.a. in NRC-Next en in eenkel bloomlaezinge. Ooch brèkt e dör es podiumdichter. Dör de publicaties versjiengt èng 2007 z'ne debuutbundel: 'De Droomkleur'. Dit debuut wert good oonthaold dör diverse critici en aander dichters. De site Pomgedichten sjrieft: 'Ik ga nu trachten u te overtuigen waarom deze bundel van het teveel persé gelezen moet.' [1] De Leestafel sjrieft zelfs: 'Een debuut lezen vormt altijd een nieuwe uitdaging. Deze bundel is gewoon schitterend in zijn eenvoud en complexiteit, en vraagt zeker naar meer.' ([2]) Internetmagazine Meander echter waor minder te sjpraeëke över d'r bundel en voond 'm pretentieus.
Pries bewirk
Èng 2007 wint Van Hoof d'r Leidse Nobelprijs der Letteren. Óp oetnuëdiging goof e 'n vlammend betoog över 't postmodernisme en de ról van critici en insjtitute bie 't in sjtaand haowe va ow deenkbeelde. 'Totdat het postmodernisme stierf, zoals alle stromingen op gegeven moment sterven, maar de critici weten het nog niet.' [3]) Ooch besjprèkt e dit oonderwaerp in 't väörwaoërd van ziene debuutbundel.
September 2008 wert Van Hoof verkaoze töt Vredesdichter vör de periode van èè jaor, ter gelegenhèèd van de Internationaal Vredeswaeëk.
Optraejes bewirk
Eric van Hoof sjtèèt bekènd es 'ne podiumdichter, of slamdichter, vanwege de väöl optraejes die e dèèt en vanwege d'r dynamiek van e optraeje en d'r dèk ritmische väördrachtsjtiel. Zelf besjtriejt e 'ne podiumdichter te zieë. E zaet dat 'het podium een ander medium is voor poëzie, net zoals internet of papier. Op het podium kun je andere dingen doen dan op papier en omgekeerd, sommige gedichten vragen om een podium, vanwege ritmiek, of performance terwijl andere gedichten beter tot hun recht kunnen komen op papier.'
Bibliografie bewirk
Naeve publicaties in, o.a., Op Ruwe Planken, Meander, Dighter, Krakatau, versjaene gedichte in de vólgende bundels en bloomlaezinge:
- 25 januari 2007: DichtSlamRap 2007, bloomlaezing van versjillende dichters
- 27 mei 2007: Haarlemse Dichtlijn 2007, bloomlaezing van versjillende dichters
- 20 september 2007: De Droomkleur, Uitgeverij Gopher
- 31 januari 2008: DichtSlamRap 2008, bloomlaezing van versjillende dichters
- 24 juli 2008: Dichters in de Prinsentuin 2008, bloomlaezing van versjillende dichters
- 31 januari 2009: DichtSlamRap 2009, bloomlaezing van versjillende dichters
- 28 mei 2009: Op Reis, bloomlaezing in de raeks Rainbow Pockets, Uitgeverij Maarten Muntinga
- 27 november 2009: Langs beide oevers van de Maas, bloomlaezing, Uitgeverij Kleinood & Grootzeer
- 4 december 2009: Heimwee, bloomlaezing in de raeks Rainbow Pockets, Uitgeverij Maarten Muntinga
- 28 januari 2010: DichtSlamRap 2010, bloomlaezing van versjillende dichters
- 27 januari 2011: DichtSlamRap 2011, bloomlaezing van versjillende dichters
- 2 juni 2011: Haarlemse Dichtlijn 2011, bloomlaezing
- 12 januari 2012: Facebook en andere gedichten, bloomlaezing, Uitgeverij Demer