Elektrische laojing

(Doorverweze van Elektrische lajing)

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Electrische laojing is 'n eigensjap van bestumde subatomair deilkes (wie elektrone en protone) die ziech aon elektromagnetische velde vaskoppelt en aontrèkkende en aofstoetende krachte tösse die deilkes veroorzaak. De interactie tösse bewegende laojing (ellentrik) is de bron vaan ein vaan de veer fundamenteel natuurkrachte, de elektromagnetische krach, en is 'n geconserveerde eigensjap van materie, die in getalle oetgedrök kin weure. In dee zin weurt de oetdrökking "elektrische laojing" doorein gebruuk mèt "kwantiteit vaan de laojing". D'r zien twie type vaan laojing: me neump ein soort laojing positief en de aander negatief. Door experimente is dudelek gewore tot geliekgelaoje objecte ziech aofstoete en versjèllend gelaoje objecte ziech aontrèkke. D'n umvaank vaan de aontrèkkingskrach of krach vaan aofstoeting hèlt ziech aon de Wet van Coulomb.

De SI-einheid veur laojing is de coulomb, mèt es abbrevatie "C". 't Symbool "Q" weurt gebruuk in vergliekinge veur de kwantiteit laojing aon te geve. "Q = 0,5 C" beteikent beveurbeeld "de kwantiteit vaan elektrische laojing is 0,5 coulomb".

Zuug ouch elektrische energie en magnetisme.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Elektrische_laojing&oldid=337574"