Electro-optische sensor

Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.


'nen Electro-optische sensor is e systeem in de opto-elektronica det de ónderbraeking van 'ne leechstraol herkènt en aanzuut es 'n elektrisch signaal.

't Umzette van leech in elektrische energie of elektrische lading is midde jaore 90 van de vurrige iëw sterk óntwikkeld. In daen tièd woord ouk 't CCD (charge-coupled device) dooróntwikkeld. Door dees optische en elektrische elemente met ein in verbinding te bringe woord 't oétintellik meugelik ein digitaal beeld te generere.

Nieje meugelikhede en toepassinge kwame binne bereik met dees techniek. Beelde koste digitaal waere opgeslage en verwerk. Ein enorme versnelling van processe waas 't gevolg. Belangriek veur de lóchfotografie waas ouk det 't meugelik woord um beelde direk van de sensor te versteure nao de gebroeker.

Ein vleegtuug (of satelliet) hoofde dus neet miër te lande, en d'r hoofde ouk gen negatief films miër óntwikkeld te waere!

Naeve de geneumde CCD zien d'r miërdere "dragers" óntwikkeld waovan de klassieke Photomultiplier (PMP) waal 't bekins waar. CCD is in 't gebroek aevel 't meis flexibel en wuuërd continue verbaeterd.

Met de invoering van dees technieke zien maetinge in aafstand ouk vuuël mekkelikker gewaore.